बीना कुमारी दंडपाट:
सबे सुना रे, रोजी-रोटी हमर अधिकार
अरे दीदी भैयामान, रोजी-रोटी हमर अधिकार
हर हाथे काम रहे, कोई न बेकार रहे – 2
सबे सुना रे, रोजी-रोटी हमर अधिकार
देश के संपत्ति हमर, गाँव के पंचायती हमर,
जल, जंगल ज़मीन हमर, कारखाना-मशीन हमर
काहे भटके छोड़ घर-द्वार..
सबे सुना रे, रोजी-रोटी हमर अधिकार – 2
हमर पैसा से देश चले, हमर ऊपर केस चले,
बड़े लोग के माफ़ करे, हम सबके साफ़ करे
नहीं चाही ऐसन सरकार..
सबे सुना रे, रोज़ी-रोटी हमर अधिकार – 2
नौकर बने अधिकारी, हमर अधिकार मारी
अपन हक़ पाए खातिर, काहे भैया मारा-मारी
लड़ाई जीते खातिर हो जावा तैयार
सबे सुना रे, रोज़ी-रोटी हमर अधिकार – 2
कोई बैठे नेट ऊपर, कोई जुम्बोजेट ऊपर,
कोई करे चैट ऊपर, हमर हाथ पेट ऊपर
क्यूँ सहे अब अत्याचार,
सबे सुना रे, रोज़ी-रोटी हमर अधिकार – 2
Leave a Reply