आलोक सोनकर:
# ग्राम पंचायत चुनाव #
आज घूमिहे काल घूमिहे, घूमिहे पूरे गांव में।
वोट मांगे अईहे VIP परधानी के चुनाव में।।
जे के कबहू देखली नाही भईया हम बजारी में।
उहो लेके घूमे भईया पर्चा भर अकवारी में।।
उज्जर उज्जर कपड़ा पहीन के प्रत्याशी मांगेले वोट।
नमस्ते प्रणाम सबसे करेले देखे न बड़हर छोट।।
घामे-घामे वोट मांग के भईल हालत खराब।
एक-एक वोट के बदले में उ बाटेले शराब।।
#वादा#
जीत जाब चुनउवा त भउजी तोहे बना देब आगंनबाड़ी।
वोटवा दिहा हमही के चाहे लेला पैसा साड़ी।।
चाची नमस्ते, माई नमस्ते हमके दिहा वोटवा।
घरे-घरे चापाकल लगवाईब ठीक करायीब रोडवा।।
जगह-जगह नारी बनवाईब सबके देब आवास।
कहे प्रत्याशी सुना हो दादी होई तोहरो पेंशन पास।।
आईब घरवा दौरल तोहरे आज बोलावा चाहे काल।
जीत के ऊ परधानी आलोक लउके ना पाचो साल ।।
फीचर्ड फोटो आभार: flickr
Thannks for a great read