नमिता पूनम:
मांय देवेला गारी,
कहिया ले रहबे मंइया !
आई.ए , बी.ए., एम.ए. कइर के बैइठल बेगारी,
सिख ले मंइया भात -तियन रांधेक संगे !
डूभा बासन माजेक थारी।१।
समाजक जनाना हर देवेना गारी,
उ मन नी समझैय, बुझैय !
सरकारक जुलूम आउर अतयाचारी,
बेइर-बेइर कहँय तोर !
जोडा-पारी कर होय गेलँय,
दु-तीन मांयक छउवारी।२।
दादा देवेला गारी,
जे.पी.एस.सी., जे.एस.एस.सी परीक्षा !
कर छोइड़ दे मंइया आब करेक तैयारी,
सिख ले मंइया सिलाई, कढाई बुनाई !
आउर रकम-रकम हाथक कालाकारी।३।
आउर उपरे से जान मारे,
झारखंडक सरकारक निति नियम आउर अधिकारी !
ई मन नी देवँय मांय भाखा के,
माइन आउर महतमकारी।४।
बेइर-बेइर आंइख में धुर छिटँय,
कहँय अबकी बेइर आवी तोर पारी !
मुदा फिन आवी कहाँ से मोर पारी,
सरकार बनाय देलक हे !
सबके खाली आनदोलनकारी।५।
तो बनबैं कहाँ से नागपुरक संतान,
अपसर आउर अधिकारी !
सेले सउब पढ़ल-लिखल सुनेना,
मेर जैइसन गारी।६।
